خشک کھیتی ہے مگر اس کو ہری کہتے ہیں

خشک کھیتی ہے مگر اس کو ہری کہتے ہیں

کم نگاہی کو بھی وہ دیدہ وری کہتے ہیں

فکر روشن کو وہ شوریدہ سری کہتے ہیں

یعنی سورج کو چراغ سحری کہتے ہیں

جو ترے در سے اٹھا پھر وہ کہیں کا نہ رہا

اس کی قسمت میں رہی در بدری کہتے ہیں

کتنی بے رحم ہے فطرت انہیں معلوم نہیں

جو اسے کارگہ شیشہ گری کہتے ہیں

حسن کے باب میں اکبرؔ کی سند کافی ہے

ہم بھی ہر اک بت کمسن کو پری کہتے ہیں

روح سید پہ خدا جانے گزر جائے گی کیا

عام علی گڑھ میں ہوئی کم نظری کہتے ہیں

khushk kheti hai magar us ko hari kahte hain

kam nigahi ko bhi wo dida wari kahte hain

fikr-e-raushan ko wo shorida siri kahte hain

yaani suraj ko charagh-e-sahari kahte hain

jo tire dar se utha phir wo kahin ka na raha

us ki qismat mein rahi dar badri kahte hain

kitni be rahm hai fitrat unhen maalum nahin

jo use karga-e-shisha giri kahte hain

husn ke bab mein akbar ki sanad kafi hai

ham bhi har ik but-e-kamsin ko pari kahte hain

ruh sayyad pe khuda jane guzar jaegi kya

am ali garh mein hui kam nazari kahte hain