ایک دیوانے کو اتنا ہی شرف کیا کم ہے

ایک دیوانے کو اتنا ہی شرف کیا کم ہے

زلف و زنجیر سے یک گونہ شغف کیا کم ہے

شوق کے ہاتھ بھلا چاند کو چھو سکتے ہیں

چاندنی دل میں رہے یہ بھی شرف کیا کم ہے

کون اس دور میں کرتا ہے جنوں سے سودا

تیرے دیوانوں کی ٹوٹی ہوئی صف کیا کم ہے

آگ بھڑکی جو ادھر بھی تو بچے گی کیا شے

شعلۂ شوق کی لو ایک طرف کیا کم ہے

میں نے ہر موج کو موج گزراں سمجھا ہے

ورنہ طوفانوں کا رخ میری طرف کیا کم ہے

کالی راتوں میں اجالے سے محبت کی ہے

صبح کی بزم میں اپنا یہ شرف کیا کم ہے

ek diwane ko itna hi sharaf kya kam hai

zulf-o-zanjir se yak guna shaghaf kya kam hai

shauq ke hath bhala chand ko chhu sakte hain

chandni dil mein rahe ye bhi sharaf kya kam hai

kaun is daur mein karta hai junun se sauda

tere diwanon ki tuti hui saf kya kam hai

ag bharki jo idhar bhi to bachchegi kiya shai

shola-e-shauq ki lau ek taraf kya kam hai

main ne har mauj ko mauj-e-guzran samjha hai

warna tufanon ka rukh meri taraf kya kam hai

kali raton mein ujale se mohabbat ki hai

subh ki bazm mein apna ye sharaf kya kam hai