لو اندھیروں نے بھی انداز اجالوں کے لیے

لو اندھیروں نے بھی انداز اجالوں کے لیے

کیسی افتاد پڑی دیکھنے والوں کے لیے

تازہ کاری نے وہاں کر دیئے عالم ایجاد

ہم ترستے ہی رہے تازہ خیالوں کے لیے

شاہراہوں سے گزرتے ہیں شب و روز ہجوم

نئی راہیں ہیں فقط چند جیالوں کے لیے

کام ماضی کی یہ سادہ نگہی کیا آتی

عصر حاضر ترے پیچیدہ سوالوں کے لیے

کتنی شمعیں بجھیں نادیدہ کرن کی خاطر

کتنے سورج لیے موہوم اجالوں کے لیے

کتنے سنگین حقائق سے نچوڑا ہے لہو

چند خوابوں کے لیے چند خیالوں کے لیے

گو نگہ داریٔ آداب جنوں مشکل ہے

پھر بھی آساں ہے ترے چاہنے والوں کے لیے

lo andheron ne bhi andaz ujalon ke liye

kaisi uftad pari dekhne walon ke liye

taza kari ne wahan kar diye alam-e-ijad

ham taraste hi rahe taza khayalon ke liye

shahrahon se guzarte hain shab-o-roz hujum

nai rahen hain faqat chand jiyalon ke liye

kam mazi ki ye sada nigahi kya ati

asr-e-hazir tire pechida sawalon ke liye

kitni shamen bujhen nadida kiran ki khatir

kitne suraj liye mauhum ujalon ke liye

kitne sangin haqaiq se nichora hai lahu

chand khwabon ke liye chand khayalon ke liye

go nigah dari-e-adab-e-junun mushkil hai

phir bhi asan hai tire chahne walon ke liye