ہم نہ اس ٹولی میں تھے یارو نہ اس ٹولی میں تھے

ہم نہ اس ٹولی میں تھے یارو نہ اس ٹولی میں تھے

نے کسی کی جیب میں تھے نہ کسی جھولی میں تھے

بندہ پرور صرف نظارے پہ قدغن کس لیے

پھول پھل جو باغ کے تھے آپ کی جھولی میں تھے

آپ کے نعروں میں للکاروں میں کیسے آئیں گے

زمزمے جو ان کہی اک پیار کی بولی میں تھے

پھر کسی کوفے میں تنہا ہے کوئی ابن عقیل

اس کے ساتھی سب کے سب سرکار کی ٹولی میں تھے

اب دھنک کے رنگ بھی ان کو بھلے لگتے نہیں

مست سارے شہر والے خون کی ہولی میں تھے

ham na is toli mein the yaro na is toli mein the

ne kisi ki jeb mein the na kisi jholi mein the

banda parwar sirf nazzare pe qadghan kis liye

phul phal jo bagh ke the ap ki jholi mein the

ap ke naaron mein lalkaron mein kaise aenge

zamzame jo an kahi ik pyar ki boli mein the

phir kisi kofe mein tanha hai koi ibn-e-aqil

us ke sathi sab ke sab sarkar ki toli mein the

ab dhanak ke rang bhi un ko bhale lagte nahin

mast sare shahr wale khun ki holi mein the