تو پیمبر سہی یہ معجزہ کافی تو نہیں

تو پیمبر سہی یہ معجزہ کافی تو نہیں

شاعری زیست کے زخموں کی تلافی تو نہیں

سایۂ گل میں ذرا دیر جو سستائے ہیں

سایۂ دار سے یہ وعدہ خلافی تو نہیں

اپنی دنیا سے ملی فرصت یک جست ہمیں

آسماں کے لیے اک جست ہی کافی تو نہیں

کسی چڑھتے ہوئے سورج کی پرستش نہ کرو

دیکھ لو اس میں کوئی شعبدہ بافی تو نہیں

تشنگی ہم کو ملی تم ہوئے سیراب تو کیا

ان مقدر کی سزاؤں سے معافی تو نہیں

دیو مالا کا دھندلکا ہو کہ خوابوں کی کرن

آج کی آئینہ سازی کی منافی تو نہیں

خواب ٹکراؤ حقیقت سے کہ شعلے نکلیں

اس اندھیرے میں دیا ایک ہی کافی تو نہیں

tu payambar sahi ye mojiza kafi to nahin

shayari zist ke zakhmon ki talafi to nahin

saya-e-gul mein zara der jo sustae hain

saya-e-dar se ye waada khilafi to nahin

apni duniya se mili fursat-e-yak jast hamen

asman ke liye ik jast hi kafi to nahin

kisi charhte hue suraj ki parastish na karo

dekh lo is mein koi shobada bafi to nahin

tishnagi ham ko mili tum hue sairab to kya

un muqaddar ki sazaon se muafi to nahin

dew mala ka dhundalka ho ke khwabon ki kiran

aj ki aina sazi ki munafi to nahin

khwab takrao haqiqat se ke shole niklen

is andhere mein diya ek hi kafi to nahin