یوں جو افتاد پڑے ہم پہ وہ سہہ جاتے ہیں

یوں جو افتاد پڑے ہم پہ وہ سہہ جاتے ہیں

ہاں کبھی بات جو کہنے کی ہے کہہ جاتے ہیں

نہ چٹانوں کی صلابت ہے نہ دریا کا جلال

لوگ تنکے ہیں جو ہر موج میں بہہ جاتے ہیں

یہ نئی نسل ہے اس واسطے خالی خالی

درد جتنے ہیں وہ باتوں ہی میں بہہ جاتے ہیں

آمد آمد کسی خورشید جہاں تاب کی ہے

پیشوائی کے لیے انجم و مہ جاتے ہیں

زندگی بن گئی دیوانوں کی اک دوڑ سرورؔ

ہم سے کتنے ہیں جو اس دوڑ میں رہ جاتے ہیں

yun jo uftad pare ham pe wo sah jate hain

han kabhi bat jo kahne ki hai kah jate hain

na chatanon ki salabat hai na dariya ka jalal

log tinke hain jo har mauj mein bah jate hain

ye nai nasl hai is waste khali khali

dard jitne hain wo baton hi mein bah jate hain

amad amad kisi khurshid jahan tab ki hai

peshwai ke liye anjum-o-mah jate hain

zindagi ban gai diwanon ki ik daur surur

ham se kitne hain jo is daur mein rah jate hain