گردش مقدر کا سلسلہ جو چل جائے

گردش مقدر کا سلسلہ جو چل جائے

دوسرا عتاب آئے اک بلا جو ٹل جائے

حجرۂ گریباں میں ہر جواب روشن ہے

بس ذرا نگاہوں کا زاویہ بدل جائے

آنسوؤں کے بہنے کا یہ اثر تو ہوتا ہے

غم ذرا سا ڈھل جائے دل بھی کچھ سنبھل جائے

مسئلوں کی گتھی بھی یوں کہاں سلجھتی ہے

اک سرا جو ہاتھ آئے دوسرا نکل جائے

اس ادا کو کیا کہئے وہ پڑوس سے آ کر

گل نئے سجا جائے چادریں بدل جائے

کیا عجب تصور ہے ہم طلب کے ماروں کا

حدت تمنا سے آسماں پگھل جائے

gardish-e-muqaddar ka silsila jo chal jae

dusra itab ae ik bala jo tal jae

hujra-e-gareban mein har jawab-e-raushan hai

bas zara nigahon ka zawiya badal jae

ansuon ke bahne ka ye asar to hota hai

gham zara sa dhal jae dil bhi kuchh sambhal jae

masalon ki gutthi bhi yun kahan sulajhti hai

ik sara jo hath ae dusra nikal jae

is ada ko kya kahiye wo paros se a kar

gul nae saja jae chadaren badal jae

kya ajab tasawwur hai ham talab ke maron ka

hiddat-e-tamanna se asman pighal jae