درون حلقۂ زنجیر ہوں میں

درون حلقۂ زنجیر ہوں میں

شکستہ خواب کی تعبیر ہوں میں

مجھے حیرت سے یوں وہ تک رہا ہے

کہ جیسے میں نہیں تصویر ہوں میں

مری باتیں تو زہریلی بہت ہیں

مگر تریاک کی تاثیر ہوں میں

میں زندہ ہوں حصار بے حسی میں

محبت کی نئی تفسیر ہوں میں

اک آئنہ بھی ہوں اور عکس بھی ہوں

کہ شہر سنگ کا رہ گیر ہوں میں

نماز شب کا سجدہ ہوں تصورؔ

اذان صبح کی تکبیر ہوں میں

darun-e-halqa-e-zanjir hun main

shikasta khwab ki taabir hun main

mujhe hairat se yun wo tak raha hai

ke jaise main nahin taswir hun main

miri baten to zahrili bahut hain

magar tiryak ki tasir hun main

main zinda hun hisar-e-be hissi mein

mohabbat ki nai tafsir hun main

ik aina bhi hun aur aks bhi hun

ke shahr-e-sang ka rah gir hun main

namaz-e-shab ka sajda hun tasawwur

azan-e-subh ki takbir hun main