دلوں میں درد ہی اتنا کشید رکھا ہے

دلوں میں درد ہی اتنا کشید رکھا ہے

کہ آنکھ آنکھ نے آنسو کشید رکھا ہے

قتال ظلم و تشدد فساد آگ دھواں

ہمارے شہر میں اب کیا مزید رکھا ہے

نہ جس سے حل مسائل کی راہ نکلے کوئی

اسی کا نام تو گفت و شنید رکھا ہے

اڑی ہے جب سے پرندوں کی واپسی کی خبر

ہر ایک شخص نے پنجرہ خرید رکھا ہے

بتا رہے ہیں تصورؔ یہ شہر کے حالات

کسی کی پشت پہ دست یزید رکھا ہے

dilon mein dard hi itna kashid rakha hai

ke ankh ankh ne ansu kashid rakha hai

qital zulm-o-tashaddud fasad ag dhuan

hamare shahr mein ab kya mazid rakha hai

na jis se hal masail ki rah nikle koi

usi ka nam to guft-o-shanid rakha hai

uri hai jab se parindon ki wapsi ki khabar

har ek shakhs ne pinjra kharid rakha hai

bata rahe hain tasawwur ye shahr ke halat

kisi ki pusht pe dast-e-yazid rakha hai