اسے ضرور کوئی کام آ گیا ہوگا

اسے ضرور کوئی کام آ گیا ہوگا

وگرنہ کوئی کسی کو یوں بھولتا ہوگا

کہی تھی اس نے سو ہم نے بھی مان لی یہ بات

ہمیں غلط ہیں ہمیں نے غلط کیا ہوگا

بچھڑتے وقت شکن تک نہیں تھی ماتھے پر

اسے ملال جدائی کا کچھ ہوا ہوگا

جسے بھی پیار کیا دور ہو گیا ہم سے

تو ایک اور چلا جائے گا تو کیا ہوگا

کوئی تو ہوگا جو ہر حال میں ہمیں چاہے

کوئی تو صرف ہمارے لیے بنا ہوگا

خدا نے خوب بنائی ہے کائنات مگر

ہمیں بنا کے وہ خود سے بہت خفا ہوگا

اداسی ایک دفعہ پھر سے شرط جیت گئی

کسی طرح ہمیں خوش رہنا سیکھنا ہوگا

use zarur koi kam a gaya hoga

wagarna koi kisi ko yun bhulta hoga

kahi thi us ne so ham ne bhi man li ye bat

hamen ghalat hain hamen ne ghalat kya hoga

bichharte waqt shikan tak nahin thi mathe par

use malal judai ka kuchh hua hoga

jise bhi pyar kiya dur ho gaya ham se

to ek aur chala jaega to kya hoga

koi to hoga jo har hal mein hamen chahe

koi to sirf hamare liye bana hoga

khuda ne khub banai hai kainat magar

hamen bana ke wo khud se bahut khafa hoga

udasi ek dafa phir se shart jit gai

kisi tarah hamen khush rahna sikhna hoga