ہر شے کی بس تب تک قیمت ہوتی ہے

ہر شے کی بس تب تک قیمت ہوتی ہے

جب تک آپ کو اس کی ضرورت ہوتی ہے

دل کو ہم نے سمجھایا تھا خوب مگر

سوچ سمجھ کر کب یہ محبت ہوتی ہے

بے شک وہ کچھ لوگ کمال کے ہوتے ہیں

جن پہ دکھ کی خاص عنایت ہوتی ہے

رونا بھی اب تو ہم پر آسان نہیں

اشکوں کو اب ہم سے وحشت ہوتی ہے

اکثر پیار سمجھ لیتے ہیں لوگ جسے

پیار نہیں ہوتا ہے عادت ہوتی ہے

har shai ki bas tab tak qimat hoti hai

jab tak ap ko us ki zarurat hoti hai

dil ko ham ne samjhaya tha khub magar

soch samajh kar kab ye mohabbat hoti hai

be shak wo kuchh log kamal ke hote hain

jin pe dukh ki khas inayat hoti hai

rona bhi ab to ham par asan nahin

ashkon ko ab ham se wahshat hoti hai

aksar pyar samajh lete hain log jise

pyar nahin hota hai adat hoti hai