زرد چہرے پہ خوش لباس آنکھیں

زرد چہرے پہ خوش لباس آنکھیں

خوب ہنستی ہیں محو یاس آنکھیں

عید کا چاند ہے تو اور تیری

راہ تکتی ہیں بارہ ماس آنکھیں

روح کو روح سے ہو کیسے عشق

نہ تو دل ہے نہ اس کے پاس آنکھیں

ہر نظر کو نصیب کیوں ہوں ہم

ہم کو دیکھیں وہی دو خاص آنکھیں

ذہن کرتا ہے تیرے گرد طواف

جب نہ ہوں تیرے آس پاس آنکھیں

میری آنکھوں میں صرف تیرے خواب

خوابؔ کی منتظر پچاس آنکھیں

zard chehre pe khush libas ankhen

khub hansti hain mahw-e-yas ankhen

eid ka chand hai to aur teri

rah takti hain bara mas ankhen

ruh ko ruh se ho kaise ishq

na to dil hai na us ke pas ankhen

har nazar ko nasib kyun hun ham

ham ko dekhen wahi do khas ankhen

zehn-e-karta hai tere gard tawaf

jab na hun tere as pas ankhen

meri ankhon mein sirf tere khwab

khwab ki muntazir pachas ankhen