مسافروں کی طرح رہ گزر میں رہتا ہے

مسافروں کی طرح رہ گزر میں رہتا ہے

یہ راستہ بھی مسلسل سفر میں رہتا ہے

ہر ایک کمرے میں آئینہ اس لئے رکھا

لگے کہ کوئی مرے ساتھ گھر میں رہتا ہے

کوئی لگا لے اگر ایک کش اداسی کا

تو پھر وہ عمر بھر اس کے اثر میں رہتا ہے

عجیب حال ہے تجھ سے بچھڑ کے بھی اب تک

یہ دل تجھی سے بچھڑنے کے ڈر میں رہتا ہے

اگر میں جان بھی دے دوں تو کوئی اف نہ کرے

اگر وہ اف بھی کرے تو خبر میں رہتا ہے

musafiron ki tarah rah guzar mein rahta hai

ye rasta bhi musalsal safar mein rahta hai

har ek kamre mein aina is liye rakha

lage ke koi mire sath ghar mein rahta hai

koi laga le agar ek kash udasi ka

to phir wo umr bhar us ke asar mein rahta hai

ajib hal hai tujh se bichhar ke bhi ab tak

ye dil tujhi se bichharne ke dar mein rahta hai

agar main jan bhi de dun to koi uf na kare

agar wo uf bhi kare to khabar mein rahta hai