خیر کو خیر شر کو شر کہنا

خیر کو خیر شر کو شر کہنا

سر قلم ہو تو ہو مگر کہنا

دکھ بشر کا نہ جو بشر سمجھے

اس بشر کو نہ تم بشر کہنا

لوگ چہرے پہ رکھتے ہیں چہرہ

ہر کسی کو نہ معتبر کہنا

سنگ ریزے تو سنگ ریزے ہیں

سنگ ریزوں کو مت گہر کہنا

ہے برا فعل آدمی کا یہ

سب کی باتیں ادھر ادھر کہنا

درد کے پھل ہی جس میں آتے ہوں

اس کو راحت کا مت شجر کہنا

یہ جہاں اک سرائے فانی ہے

نصرؔ اس کو نہ مستقر کہنا

khair ko khair shar ko shar kahna

sar qalam ho to ho magar kahna

dukh bashar ka na jo bashar samjhe

is bashar ko na tum bashar kahna

log chehre pe rakhte hain chehra

har kisi ko na motabar kahna

sang reze to sang reze hain

sang rezon ko mat guhar kahna

hai bura fel admi ka ye

sab ki baten idhar idhar kahna

dard ke phal hi jis mein ate hun

us ko rahat ka mat shajar kahna

ye jahan ik sarae fani hai

nasr us ko na mustaqar kahna