وہ خود سے دور ہوتا جا رہا ہے

وہ خود سے دور ہوتا جا رہا ہے

بہت مشہور ہوتا جا رہا ہے

جسے تھا ناز اپنی دل کشی پر

وہ شیشہ چور ہوتا جا رہا ہے

کہاں ہجرت کرے زخمی پرندہ

بہت مجبور ہوتا جا رہا ہے

پرانا زخم جو تو نے دیا تھا

وہ اب ناسور ہوتا جا رہا ہے

ملی ہے یار اس کو کیسی شہرت

بڑا مغرور ہوتا جا رہا ہے

خوشی کا نصرؔ جو لمحہ ملا تھا

وہ اب کافور ہوتا جا رہا ہے

wo khud se dur hota ja raha hai

bahut mashhur hota ja raha hai

jise tha naz apni dil kashi par

wo shisha chur hota ja raha hai

kahan hijrat kare zakhmi parinda

bahut majbur hota ja raha hai

purana zakhm jo tu ne diya tha

wo ab nasur hota ja raha hai

mili hai yar us ko kaisi shohrat

bara maghrur hota ja raha hai

khushi ka nasr jo lamha mila tha

wo ab kafur hota ja raha hai