چراغوں کو بجھانا چاہتا ہے

چراغوں کو بجھانا چاہتا ہے

اندھیرا مسکرانا چاہتا ہے

سلامت پر نہیں ہیں جس کے دیکھو

وہ تارے توڑ لانا چاہتا ہے

تری آنکھوں کا کجراری یہ خنجر

مرے دل کا نشانہ چاہتا ہے

وہ آنا چاہتا ہے میرے دل میں

مگر کوئی بہانہ چاہتا ہے

بہت رویا ہے دور بے بسی میں

مگر اب مسکرانا چاہتا ہے

کوئی سنتا نہیں ہے نصرؔ اس کی

وہ حال غم سنانا چاہتا ہے

charaghon ko bujhana chahta hai

andhera muskurana chahta hai

salamat par nahin hain jis ke dekho

wo tare tor lana chahta hai

tiri ankhon ka kajrari ye khanjar

mire dil ka nishana chahta hai

wo ana chahta hai mere dil mein

magar koi bahana chahta hai

bahut roya hai daur-e-be basi mein

magar ab muskurana chahta hai

koi sunta nahin hai nasr us ki

wo hal-e-gham sunana chahta hai