جدا شجر سے کسی برگ کو ہوا نہ کرے

جدا شجر سے کسی برگ کو ہوا نہ کرے

چمن میں باد مخالف چلے خدا نہ کرے

تمام عمر گزاری ہے غم کی راہوں میں

دراز عمر ہو میری کوئی دعا نہ کرے

ہزار ضبط کا عادی ہے دل مرا لیکن

ستم کی بارشیں حد سے کوئی سوا نہ کرے

بہت ہی تلخ ہیں یادیں ہمارے ماضی کی

پھر آئے درد کا موسم وہی خدا نہ کرے

ہیں اس کے مکر و ریا سے سبھی یہاں واقف

وفا پرستی کا دعویٰ وہ بے وفا نہ کرے

شجر ہوں نصرؔ کسی بے گیاہ صحرا کا

ثمر کا مجھ سے کوئی شخص آسرا نہ کرے

juda shajar se kisi barg ko hua na kare

chaman mein bad-e-mukhalif chale khuda na kare

tamam umr guzari hai gham ki rahon mein

daraz umr ho meri koi dua na kare

hazar zabt ka adi hai dil mira lekin

sitam ki barishen had se koi siwa na kare

bahut hi talkh hain yaden hamare mazi ki

phir ae dard ka mausam wahi khuda na kare

hain us ke makr-o-riya se sabhi yahan waqif

wafa parasti ka daawa wo be wafa na kare

shajar hun nasr kisi be giyah sahra ka

samar ka mujh se koi shakhs asra na kare