دل کو شہرت کا طلب گار نہ ہونے دیجے

دل کو شہرت کا طلب گار نہ ہونے دیجے

خود کو رسوا سر بازار نہ ہونے دیجے

فاقہ کر لیجئے اس شہر جفا میں لیکن

خم انا کی کبھی دستار نہ ہونے دیجے

جس کی تعمیر میں اسلاف کا خوں شامل ہو

اس حویلی کو تو مسمار نہ ہونے دیجے

گفتگو میں بھی رہے حسن تکلم کا خیال

اور لہجے کو بھی تلوار نہ ہونے دیجے

وقت سے قیمتی دنیا میں کوئی چیز نہیں

کوئی پل زیست کا بیکار نہ ہونے دیجے

خامشی نصرؔ ہے دراصل ذہانت کی دلیل

اپنے حالات کو اخبار نہ ہونے دیجے

dil ko shohrat ka talab gar na hone dije

khud ko ruswa sar-e-bazar na hone dije

faqa kar lijiye is shahr-e-jafa mein lekin

kham ana ki kabhi dastar na hone dije

jis ki taamir mein aslaf ka khun shamil ho

is haweli ko to mismar na hone dije

guftugu mein bhi rahe husn takallum ka khayal

aur lahje ko bhi talwar na hone dije

waqt se qimti duniya mein koi chiz nahin

koi pal zist ka bekar na hone dije

khamushi nasr hai darasl zihanat ki dalil

apne halat ko akhbar na hone dije