توبہ کی نازشوں پہ ستم ڈھا کے پی گیا

توبہ کی نازشوں پہ ستم ڈھا کے پی گیا

''پی''! اس نے جب کہا تو میں گھبرا کے پی گیا

دل ہی تو ہے اٹھائے کہاں تک غم و الم

میں روز کے ملال سے اکتا کے پی گیا

تھیں لاکھ گرچہ محشر و مرقد کی الجھنیں

گتھی کو ضبط شوق کی سلجھا کے پی گیا

مے خانۂ بہار میں مدت کا تشنہ لب

ساقی خطا معاف! خطا کھا کے پی گیا

نیت نہیں خراب نہ عادی ہوں اے ندیم!

''آلام روزگار سے تنگ آ کے پی گیا''!

ساقی کے حسن دیدۂ میگوں کے سامنے

میں جلوۂ بہشت کو ٹھکرا کے پی گیا

اٹھا جو ابر دل کی امنگیں چمک اٹھیں

لہرائیں بجلیاں تو میں لہرا کے پی گیا

دل کچھ ثبوت حفظ شریعت نہ دے سکا

ساقی کے لطف خاص پہ اترا کے پی گیا

tauba ki nazishon pe sitam dha ke pi gaya

''pi''! us ne jab kaha to main ghabra ke pi gaya

dil hi to hai uthae kahan tak gham-o-alam

main roz ke malal se ukta ke pi gaya

thin lakh garche mahshar-o-marqad ki uljhanen

gutthi ko zabt-e-shauq ki suljha ke pi gaya

mai khana-e-bahar mein muddat ka tishna lab

saqi khata muaf! khata kha ke pi gaya

niyyat nahin kharab na adi hun ai nadim!

''alam-e-rozgar se tang a ke pi gaya''!

saqi ke husn dida-e-megon ke samne

main jalwa-e-bahisht ko thukra ke pi gaya

utha jo abr dil ki umangen chamak uthen

lahraen bijliyan to main lahra ke pi gaya

dil kuchh subut hifz-e-shariat na de saka

saqi ke lutf-e-khas pe utra ke pi gaya