عشق کو تقلید سے آزاد کر

عشق کو تقلید سے آزاد کر

دل سے گریہ آنکھ سے فریاد کر

باز آ اے بندۂ حسن مجاز

یوں نہ اپنی زندگی برباد کر

اے خیالوں کے مکیں نظروں سے دور

میری ویراں خلوتیں آباد کر

نزع میں ہچکی نہیں آئی مجھے

بھولنے والے خدارا یاد کر

حسن کو دنیا کی آنکھوں سے نہ دیکھ

اپنی اک طرز نظر ایجاد کر

عشرت دنیا ہے اک خواب بہار

کعبۂ دل درد سے آباد کر

اب کہاں احسانؔ دنیا میں وفا

توبہ کر ناداں خدا کو یاد کر

ishq ko taqlid se azad kar

dil se girya ankh se fariyad kar

baz a ai banda-e-husn-e-majaz

yun na apni zindagi barbad kar

ai khayalon ke makin nazron se dur

meri wiran khalwaten abad kar

nazaa mein hichki nahin ai mujhe

bhulne wale khudara yad kar

husn ko duniya ki ankhon se na dekh

apni ik tarz-e-nazar ijad kar

ishrat-e-duniya hai ik khwab-e-bahar

kaaba-e-dil dard se abad kar

ab kahan ehsan duniya mein wafa

tauba kar nadan khuda ko yad kar