جب بھی خلوت میں وہ یاد آئے گا

جب بھی خلوت میں وہ یاد آئے گا

وقت کا سیل ٹھہر جائے گا

چاند تم دیکھ رہے ہو جس کو

یہ بھی آنسو سا ڈھلک جائے گا

ایک دو موڑ ہی مڑ کر انساں

بام گردوں کی خبر لائے گا

میں نے دیکھے ہیں چمن بے پردہ

کوئی گل کیا مرے منہ آئے گا

حسن سے دور ہی رہنا بہتر

جو ملے گا وہی پچھتائے گا

اور کچھ دیر ستارو ٹھہرو

اس کا وعدہ ہے ضرور آئے گا

ان کی زلفوں کی مہک لے دانشؔ

اس دھندلکے کو کہاں پائے گا

jab bhi khalwat mein wo yad aega

waqt ka sail thahar jaega

chand tum dekh rahe ho jis ko

ye bhi ansu sa dhalak jaega

ek do mor hi mur kar insan

bam-e-gardun ki khabar laega

main ne dekhe hain chaman be parda

koi gul kya mire munh aega

husn se dur hi rahna behtar

jo milega wahi pachhtaega

aur kuchh der sitaro thahro

us ka waada hai zarur aega

un ki zulfon ki mahak le danish

is dhundalke ko kahan paega