بخش دی حال زبوں نے جلوہ سامانی مجھے

بخش دی حال زبوں نے جلوہ سامانی مجھے

کاش مل جائے زمانے کی پریشانی مجھے

اے نگاہ دوست اے سرمایہ دار بے خودی

ہوش آتا ہے تو ہوتی ہے پریشانی مجھے

کھل چکا ہاں کھل چکا دل پر ترا رنگیں فریب

دے نہ دھوکا اے طلسم ہستی فانی مجھے

پھر نہ ثابت ہو کہیں ننگ بیاباں جسم راز

سوچ کر کرنا جنوں مائل یہ عریانی مجھے

منتہائے ذوق سجدہ یہ کہ اک فریب

کفر تک لے آئی تکمیل مسلمانی مجھے

منزلوں احسانؔ پیچھے رہ گئے دیر و حرم

لے چلا جانے کہاں سیلاب حیرانی مجھے

bakhsh di hal-e-zabun ne jalwa samani mujhe

kash mil jae zamane ki pareshani mujhe

ai nigah-e-dost ai sarmaya dar-e-be khudi

hosh ata hai to hoti hai pareshani mujhe

khul chuka han khul chuka dil par tira rangin fareb

de na dhoka ai tilism-e-hasti-e-fani mujhe

phir na sabit ho kahin nang-e-bayaban jism-e-raz

soch kar karna junun mail ye uryani mujhe

muntaha-e-zauq-e-sajda ye ke ik fareb

kufr tak le ai takmil-e-musalmani mujhe

manzilon ehsan pichhe rah gae dair-o-haram

le chala jane kahan sailab hairani mujhe