سارے جہاں کو حسن کا سائل بنا دیا

سارے جہاں کو حسن کا سائل بنا دیا

جس دل کو تو نے دیکھ لیا دل بنا دیا

شاہان وقت کا یہ کرشمہ تو دیکھیے

مظلوم و بے گناہ کو قاتل بنا دیا

اک بیکس و غریب کو کل رات شہر نے

پتھر سے مار مار کے گھائل بنا دیا

یہ تو امیر وقت کا ادنیٰ کمال ہے

جاہل کو عالموں کے مقابل بنا دیا

کچھ بھی عطا ہو حسن کا صدقہ اے جان جاں

انجمؔ کو تیرے عشق نے سائل بنا دیا

sare jahan ko husn ka sail bana diya

jis dil ko tu ne dekh liya dil bana diya

shahan waqt ka ye karishma to dekhiye

mazlum-o-be gunah ko qatil bana diya

ik bekas-o-gharib ko kal rat shahr ne

patthar se mar mar ke ghayal bana diya

ye to amir waqt ka adna kamal hai

jahil ko alamon ke muqabil bana diya

kuchh bhi ata ho husn ka sadqa ai jan-e-jan

anjum ko tere ishq ne sail bana diya