بد بختی میں سب بے مول

بد بختی میں سب بے مول

ہیرے چن یا موتی رول

خوابوں کی تعبیریں ڈھونڈ

سورج نکلا آنکھیں کھول

صحرا صحرا پھول کھلا

دریا دریا زہر نہ گھول

تلخ نوائی ٹھیک نہیں

بول ہمیشہ میٹھے بول

کون یہاں تجھ سا خوددار

تو درویش بے کشکول

جو کرنا ہے جلدی کر

کرتا کیوں ہے ٹال مٹول

چپ چپ شادی شادی کیا

شہنائی تاشے نہ ڈھول

تو استادوں کا استاد

تیرے شعر میں کیوں ہے جھول

آنکھیں نرگس ہونٹ کنول

بات تمہاری ہے انمول

غیبت کرنا ٹھیک نہیں

ہمت ہے تو منہ پر بول

پردہ داری نیکی ہے

بھائی انجمؔ بھید نہ کھول

bad bakhti mein sab be mol

hire chun ya moti rol

khwabon ki taabiren dhund

suraj nikla ankhen khol

sahra sahra phul khula

dariya dariya zahr na ghol

talkh nawai thik nahin

bol hamesha mithe bol

kaun yahan tujh sa khuddar

tu darwesh-e-be kashkol

jo karna hai jaldi kar

karta kyun hai tal matol

chup chup shadi shadi kya

shahnai tashe na dhol

tu ustadon ka ustad

tere sher mein kyun hai jhul

ankhen nargis hont kanwal

bat tumhari hai anmol

ghibat karna thik nahin

himmat hai to munh par bol

parda dari neki hai

bhai anjum bhed na khol