اگر ہو چشم حقیقت تو دیکھ کیا ہوں میں

اگر ہو چشم حقیقت تو دیکھ کیا ہوں میں

فنا کے رنگ میں اک جوہر بقا ہوں میں

طلسم بند سے مشکل رہائی ہے دل کی

حصار‌ چشم فسوں ساز میں گھرا ہوں میں

مٹا مٹا کے مجھے ایک دن مٹا دے گا

زمانہ ساز تری چال جانتا ہوں میں

کمال عشق تصور ہے اوج پر ایسا

ترے جمال کو ہر شے میں دیکھتا ہوں میں

مری تلاش میں گم ہیں مسافران عدم

حدود وہم سے آگے نکل گیا ہوں میں

تلاش جس کی ہے ہر اک کو میں وہ منزل ہوں

جو طے نہ کر سکے کوئی وہ مرحلہ ہوں میں

تلاش جس کی مجھے کھو چکی ہے اے غواصؔ

اسی کو بحر تحیر میں ڈھونڈھتا ہوں میں

agar ho chashm-e-haqiqat to dekh kya hun main

fana ke rang mein ik jauhar-e-baqa hun main

tilism band se mushkil rihai hai dil ki

hisar-e-chashm-e-fusun saz mein ghira hun main

mita mita ke mujhe ek din mita dega

zamana saz tiri chal janta hun main

kamal-e-ishq tasawwur hai auj par aisa

tire jamal ko har shai mein dekhta hun main

miri talash mein gum hain musafiran-e-adam

hudud-e-wahm se age nikal gaya hun main

talash jis ki hai har ik ko main wo manzil hun

jo tai na kar sake koi wo marhala hun main

talash jis ki mujhe kho chuki hai ai ghawwas

usi ko bahr-e-tahayyur mein dhundhta hun main