غم خوار ہیں جو ان کا چلن دیکھ رہا ہوں

غم خوار ہیں جو ان کا چلن دیکھ رہا ہوں

بے چینیٔ ارباب وطن دیکھ رہا ہوں

بگڑا ہوا دنیا کا چلن دیکھ رہا ہوں

لپٹا ہوا شعلوں میں وطن دیکھ رہا ہوں

کس فلسفۂ زیست کو سینے سے لگاؤں

ہر لاش کو بے گور و کفن دیکھ رہا ہوں

اب بار ہے احساس مسرت رگ جاں پر

دیکھے نہیں جو رنج و محن دیکھ رہا ہوں

گاندھی کا وہ پیغام محبت و اخوت

اجڑا ہوا گاندھی کا چمن دیکھ رہا ہوں

gham khwar hain jo un ka chalan dekh raha hun

be chini-e-arbab-e-watan dekh raha hun

bigra hua duniya ka chalan dekh raha hun

lipta hua sholon mein watan dekh raha hun

kis falsafa-e-zist ko sine se lagaun

har lash ko be gor-o-kafan dekh raha hun

ab bar hai ehsas-e-masarrat rag-e-jan par

dekhe nahin jo ranj-o-mehan dekh raha hun

gandhi ka wo paigham-e-mohabbat-o-ukhuwwat

ujra hua gandhi ka chaman dekh raha hun