اپنوں نے اجاڑا ہے چمن جان گئے ہیں

اپنوں نے اجاڑا ہے چمن جان گئے ہیں

پردوں میں چھپا کون ہے پہچان گئے ہیں

تپتی ہوئی سڑکوں پہ سفر ہم نے کیا ہے

اب برف جو دیکھی ہے تو اوسان گئے ہیں

وشواس کی گرتی ہوئی دیوار کے سائے

قدموں سے کچلتے ہوئے ایمان گئے ہیں

مانا کہ دیا اس نے ہمیں رتبۂ عالی

جنت سے نکالے بھی تو انسان گئے ہیں

گھر اپنا سمجھ کر جو رہے فرش زمیں پر

روتے ہوئے دنیا سے وہ مہمان گئے ہیں

جو پھول کی خوشبو کو چھپانے میں لگے تھے

ناکام محبت میں وہ انسان گئے ہیں

ان سے تو نہ تھی کوئی ہمیں بغض و عداوت

بے کار سی باتوں کو برا مان گئے ہیں

apnon ne ujara hai chaman jan gae hain

pardon mein chhupa kaun hai pahchan gae hain

tapti hui sarkon pe safar ham ne kiya hai

ab barf jo dekhi hai to ausan gae hain

washwas ki girti hui diwar ke sae

qadmon se kuchalte hue iman gae hain

mana ke diya us ne hamen rutba-e-ali

jannat se nikale bhi to insan gae hain

ghar apna samajh kar jo rahe farsh-e-zamin par

rote hue duniya se wo mehman gae hain

jo phul ki khushbu ko chhupane mein lage the

nakam-e-mohabbat mein wo insan gae hain

un se to na thi koi hamen bughz-o-adawat

be kar si baton ko bura man gae hain