جو تھی علاقے میں سب سے حسین بیچ آئے

جو تھی علاقے میں سب سے حسین بیچ آئے

ہم اپنے پرکھوں کی ساری زمین بیچ آئے

پرانے لوگوں نے گنجوں کو کنگھیاں بیچیں

نئے جو لوگ ہیں سانپوں کو بین بیچ آئے

بھرم تھا دل میں جو محفل کا وہ بھی دل سے گیا

سخن تو بکتا تھا تم سامعین بیچ آئے

نہیں یہ غم کہ امانت میں کیوں خیانت کی

مجھے یہ دکھ ہے وہ اپنا یقین بیچ آئے

جو لوگ کھاتے ہیں اردو کے نام کی روٹی

لبوں پہ ان کے ہے بس سین شین بیچ آئے

پکڑ لی زنگ میں لپٹی ہوئی نئی تہذیب

ملا تھا ہم کو جو سونے سا دین بیچ آئے

jo thi ilaqe mein sab se hasin bech ae

ham apne purkhon ki sari zamin bech ae

purane logon ne ganjon ko kanghiyan bechen

nae jo log hain sanpon ko bain bech ae

bharam tha dil mein jo mahfil ka wo bhi dil se gaya

sukhan to bikta tha tum samiin bech ae

nahin ye gham ke amanat mein kyun khayanat ki

mujhe ye dukh hai wo apna yaqin bech ae

jo log khate hain urdu ke nam ki roti

labon pe un ke hai bas sain shain bech ae

pakar li zang mein lipti hui nai tahzib

mila tha ham ko jo sone sa din bech ae