سراب صحرا میں پانی تلاش کرتا ہے

سراب صحرا میں پانی تلاش کرتا ہے

وہ دلدلوں میں روانی تلاش کرتا ہے

ہر ایک ذرے سے پہچان رب کی ہوتی ہے

وہ پھر بھی اس کی نشانی تلاش کرتا ہے

اسے یقین ہے اپنے خدا کی رحمت پر

جو تپتے صحرا میں پانی تلاش کرتا ہے

کتاب دل کو سمجھنا محال ہے اس کا

وہ چہرا چہرا معانی تلاش کرتا ہے

نئے غموں کے اندھیروں سے جنگ ہے اس کی

بجھے دیوں کی جوانی تلاش کرتا ہے

ہوں راجہ رانی, ہوں لشکر, ہوں ہاتھی گھوڑے سب

وہ ہر کہانی میں نانی تلاش کرتا ہے

بہت شریف ہے تو چاندؔ جا کے سنسد میں

کبیرؔ داس کی وانی تلاش کرتا ہے

sarab-e-sahra mein pani talash karta hai

wo daldalon mein rawani talash karta hai

har ek zarre se pahchan rab ki hoti hai

wo phir bhi us ki nishani talash karta hai

use yaqin hai apne khuda ki rahmat par

jo tapte sahra mein pani talash karta hai

kitab-e-dil ko samajhna muhal hai us ka

wo chehra chehra maani talash karta hai

nae ghamon ke andheron se jang hai us ki

bujhe diyon ki jawani talash karta hai

hun raja rani, hun lashkar, hun hathi ghore sab

wo har kahani mein nani talash karta hai

bahut sharif hai to chand ja ke sunsadd mein

kabir das ki wani talash karta hai