تو کاش ملے مجھ کو اکیلی تو بتاؤں

تو کاش ملے مجھ کو اکیلی تو بتاؤں

سلجھے مری قسمت کی پہیلی تو بتاؤں

آنے سے ترے پہلے خبر دے دی ہوا نے

آنکھوں پہ مرے رکھ تو ہتھیلی تو بتاؤں

مہکے ہیں ترے جسم کی خوشبو سے فضائیں

ناراض نہ ہوں چمپا چنبیلی تو بتاؤں

کیوں تیرے مقدر میں نہیں میری محبت

دکھلائے تو بے رنگ ہتھیلی تو بتاؤں

ویرانیاں تنہائیاں موسم ہے خزاں کا

انوار کرو دل کی حویلی تو بتاؤں

چہرے پہ مرے راز ٹٹولا نہ کرو تم

ہم راز بنے آنکھ نشیلی تو بتاؤں

اظہار محبت کی طلب دل میں لیے ہوں

تنہا جو ملے تیری سہیلی تو بتاؤں

آنکھوں میں تری یاد کہیں زخم نہ کر دے

نکلے یہ اگر پھانس نکیلی تو بتاؤں

tu kash mile mujh ko akeli to bataun

suljhe miri qismat ki paheli to bataun

ane se tire pahle khabar de di hawa ne

ankhon pe mire rakh to hatheli to bataun

mahke hain tire jism ki khushbu se fazaen

naraz na hun champa chambeli to bataun

kyun tere muqaddar mein nahin meri mohabbat

dikhlae to be rang hatheli to bataun

wiraniyan tanhaiyan mausam hai khizan ka

anwar karo dil ki haweli to bataun

chehre pe mire raz tatola na karo tum

ham raz bane ankh nashili to bataun

izhar-e-mohabbat ki talab dil mein liye hun

tanha jo mile teri saheli to bataun

ankhon mein tiri yad kahin zakhm na kar de

nikle ye agar phans nukili to bataun