برف میں خود کو بدل کر دیکھنا

برف میں خود کو بدل کر دیکھنا

پھر کسی سورج پہ چل کر دیکھنا

پھینک دو سر سے یہ چادر سائے کی

دھوپ پھر چہرے پہ مل کر دیکھنا

درد پھولوں کا سمجھنے کے لئے

کانٹے ہاتھوں سے مسل کر دیکھنا

قد ہمارے سائے کا بھی ہے بڑا

دھوپ سے اپنی نکل کر دیکھنا

جنگ کر لینا سبھی اسباب سے

اپنے رب سے پھر مچل کر دیکھنا

اہمیت کیا ہے ترے کردار کی

خود کہانی سے نکل کر دیکھنا

چاندؔ کا مشکل سفر کیسے لکھوں

آپ خود پیروں پہ چل کر دیکھنا

barf mein khud ko badal kar dekhna

phir kisi suraj pe chal kar dekhna

phenk do sar se ye chadar sae ki

dhup phir chehre pe mil kar dekhna

dard phulon ka samajhne ke liye

kante hathon se masal kar dekhna

qad hamare sae ka bhi hai bara

dhup se apni nikal kar dekhna

jang kar lena sabhi asbab se

apne rab se phir machal kar dekhna

ahmiyat kya hai tire kirdar ki

khud kahani se nikal kar dekhna

chand ka mushkil safar kaise likhun

ap khud pairon pe chal kar dekhna