جواب چیخ اٹھے ہیں سوال چیخ اٹھے

جواب چیخ اٹھے ہیں سوال چیخ اٹھے

کہیں پہ لفظ کہیں پر خیال چیخ اٹھے

دکھا یہ خواب کہ کل رات مر گیا ہوں میں

گناہ جتنے تھے سب حسب حال چیخ اٹھے

کہیں امام کہیں مقتدی ملے جاہل

اذانیں سن کے ہماری بلال چیخ اٹھے

پھسل گئی مری مٹھی سے زندگی کی ریت

گھڑی سے ہارے جو لمحے تو سال چیخ اٹھے

بنا کے اپنی ہی تصویر خود پشیماں ہوں

جو رنگ میں نے بھرے سبز لال چیخ اٹھے

jawab chikh uthe hain sawal chikh uthe

kahin pe lafz kahin par khayal chikh uthe

dikha ye khwab ke kal rat mar gaya hun main

gunah jitne the sab hasb-e-hal chikh uthe

kahin imam kahin muqtadi mile jahil

azanen sun ke hamari bilal chikh uthe

phisal gai miri mutthi se zindagi ki ret

ghari se hare jo lamhe to sal chikh uthe

bana ke apni hi taswir khud pasheman hun

jo rang main ne bhare sabz lal chikh uthe