غلطیاں اپنی نہ ہوں پھر بھی منانے کا ہنر

غلطیاں اپنی نہ ہوں پھر بھی منانے کا ہنر

اتنا آسان نہیں خود کو مٹانے کا ہنر

یادوں کے سانپوں کو قابو میں کروں کیسے میں

میں نے سیکھا ہی نہیں بین بجانے کا ہنر

میرے چہرے کی ہنسی میں پتا خوشیوں کا نہ ڈھونڈھ

مدتوں بعد ملا درد چھپانے کا ہنر

میرے اپنوں نے تراشی میری عزت کی قمیص

سب کو آتا ہے یہاں قینچی چلانے کا ہنر

آگ چنگاری دھواں کچھ نہ تھا دل پھر بھی جلا

کس نے سکھلایا تمہیں ایسے جلانے کا ہنر

اتنے سپنے نہ دکھا جھوٹی اداکاری چھوڑ

پتھروں کو نہ سکھا گھاس اگانے کا ہنر

آنکھیں چہرہ زباں سب بے زباں ہو جاتے ہیں

جان لے لے گا تری راز چھپانے کا ہنر

قتل کرنا ہے اگر جلتے ہوئے سورج کو

سیکھ لو برف کی شمشیر بنانے کا ہنر

ghalatiyan apni na hun phir bhi manane ka hunar

itna asan nahin khud ko mitane ka hunar

yadon ke sanpon ko qabu mein karun kaise main

main ne sikha hi nahin bain bajane ka hunar

mere chehre ki hansi mein pata khushiyon ka na dhundh

muddaton baad mila dard chhupane ka hunar

mere apnon ne tarashi meri izzat ki qamis

sab ko ata hai yahan qainchi chillane ka hunar

ag chingari dhuan kuchh na tha dil phir bhi jala

kis ne sukhlaya tumhen aise jalane ka hunar

itne sapne na dikha jhuti adakari chhor

pattharon ko na sikha ghas ugane ka hunar

ankhen chehra zaban sab be zaban ho jate hain

jan le lega tiri raz chhupane ka hunar

qatl karna hai agar jalte hue suraj ko

sikh lo barf ki shamshir banane ka hunar