ہم آنسوؤں سا ابل رہے ہیں

ہم آنسوؤں سا ابل رہے ہیں

آنکھوں سے تری نکل رہے ہیں

تم ساتھ کہیں نہیں ہو لیکن

ہم ساتھ تمہارے چل رہے ہیں

یہ کس کا انتظار ہے آج

لمحات صدی میں ڈھل رہے ہیں

مہماں کی طرح وہ اشک بن کر

آنکھوں میں ہماری پل رہے ہیں

رہنا ہے تمہارے دل میں ورنہ

قدموں میں کئی محل رہے ہیں

محفل میں نوازا جن گلوں کو

گلشن میں انہیں مسل رہے ہیں

بے کار ہیں عکسؔ دن میں جگنو

سورج کے اجالے کھل رہے ہیں

ham ansuon sa ubal rahe hain

ankhon se tiri nikal rahe hain

tum sath kahin nahin ho lekin

ham sath tumhare chal rahe hain

ye kis ka intizar hai aj

lamhat sadi mein dhal rahe hain

mehman ki tarah wo ashk ban kar

ankhon mein hamari pal rahe hain

rahna hai tumhare dil mein warna

qadmon mein kai mahal rahe hain

mahfil mein nawaza jin gulon ko

gulshan mein unhen masal rahe hain

be kar hain aks din mein jugnu

suraj ke ujale khul rahe hain