اک دل میں تھا اک سامنے دریا اسے کہنا

اک دل میں تھا اک سامنے دریا اسے کہنا

ممکن تھا کہاں پار اترنا اسے کہنا

ہجراں کے سمندر میں ہیولیٰ تھا کسی کا

امکاں کے بھنور سے کوئی ابھرا اسے کہنا

اک حرف کی کرچی مرے سینے میں چھپی تھی

پہروں تھا کوئی ٹوٹ کے رویا اسے کہنا

مدت ہوئی خورشید گہن سے نہیں نکلا

ایسا کہیں تارا کوئی ٹوٹا اسے کہنا

جاتی تھی کوئی راہ اکیلی کسی جانب

تنہا تھا سفر میں کوئی سایا اسے کہنا

ہر زخم میں دھڑکن کی صدا گونج رہی تھی

اک حشر کا تھا شور شرابہ اسے کہنا

ik dil mein tha ik samne dariya use kahna

mumkin tha kahan par utarna use kahna

hijran ke samundar mein hayula tha kisi ka

imkan ke bhanwar se koi ubhra use kahna

ik harf ki kirchi mire sine mein chhupi thi

pahron tha koi tut ke roya use kahna

muddat hui khurshid gahan se nahin nikla

aisa kahin tara koi tuta use kahna

jati thi koi rah akeli kisi janib

tanha tha safar mein koi saya use kahna

har zakhm mein dharkan ki sada gunj rahi thi

ik hashr ka tha shor sharaba use kahna