آتے رہتے ہیں فلک سے بھی اشارے کچھ نہ کچھ

آتے رہتے ہیں فلک سے بھی اشارے کچھ نہ کچھ

بات کر لیتے ہیں ہم سے چاند تارے کچھ نہ کچھ

ایک کافر کی مسیحائی کے دست فیض سے

مل رہے ہیں زخم کے دونوں کنارے کچھ نہ کچھ

رنگ ہر دیمک زدہ تصویر میں بھرتے رہے

اک تسلی کے لیے ہجراں کے مارے کچھ نہ کچھ

اک پرانا خط کئی پھولوں کی سوکھی پتیاں

اس بیاض زندگی میں ہیں سہارے کچھ نہ کچھ

ہے وہی قامت وہی مانوس سے نقش و نگار

ایسا لگتا ہے کبھی وہ تھے ہمارے کچھ نہ کچھ

وقت کے بے رحم سناٹوں میں بہتی زندگی

ہے صدا کی منتظر کوئی پکارے کچھ نہ کچھ

ate rahte hain falak se bhi ishare kuchh na kuchh

bat kar lete hain ham se chand tare kuchh na kuchh

ek kafir ki masihai ke dast-e-faiz se

mil rahe hain zakhm ke donon kinare kuchh na kuchh

rang har dimak zada taswir mein bharte rahe

ik tasalli ke liye hijran ke mare kuchh na kuchh

ik purana khat kai phulon ki sukhi pattiyan

is bayaz-e-zindagi mein hain sahare kuchh na kuchh

hai wahi qamat wahi manus se naqsh-o-nigar

aisa lagta hai kabhi wo the hamare kuchh na kuchh

waqt ke be rahm sannaton mein bahti zindagi

hai sada ki muntazir koi pukare kuchh na kuchh