ابھی گزرے دنوں کی کچھ صدائیں شور کرتی ہیں

ابھی گزرے دنوں کی کچھ صدائیں شور کرتی ہیں

دریچے بند رہنے دو، ہوائیں شور کرتی ہیں

یہی تو فکر کے جلتے پروں پہ تازیانہ ہے

کہ ہر تاریک کمرے میں دعائیں شور کرتی ہیں

کہا نا تھا حصار اسم اعظم کھینچنے والے

یہاں آسیب رہتے ہیں بلائیں شور کرتی ہیں

ہمیں بھی تجربہ ہے بے گھری کا چھت نہ ہونے کا

درندے، بجلیاں، کالی گھٹائیں شور کرتی ہیں

ابھی گرد سفر کے گریے کی ہے گونج کانوں میں

ابھی کیوں منتظر خالی سرائیں شور کرتی ہیں

ہمیں سیراب رکھا ہے خدا کا شکر ہے اس نے

جہاں بنجر زمینیں ہوں انائیں شور کرتی ہیں

abhi guzre dinon ki kuchh sadaen shor karti hain

dariche band rahne do, hawaen shor karti hain

yahi to fikr ke jalte paron pe taziyana hai

ke har tarik kamre mein duaen shor karti hain

kaha na tha hisar-e-ism-e-aazam khinchne wale

yahan aseb rahte hain balaen shor karti hain

hamen bhi tajriba hai be ghiri ka chhat na hone ka

darinde, bijliyan, kali ghataen shor karti hain

abhi gard-e-safar ke giriye ki hai gunj kanon mein

abhi kyun muntazir khali saraen shor karti hain

hamen sairab rakha hai khuda ka shukr hai us ne

jahan banjar zaminen hun anaen shor karti hain