آؤ ہر یار گزشتہ کو بلایا جائے

آؤ ہر یار گزشتہ کو بلایا جائے

دل کی حالت کا تماشہ سا بنایا جائے

شاخ سے ہو کے جدا گل پہ ترے کیا گزری

باغباں کو یہ کسی روز بتایا جائے

صورت زرد کو پڑھ چاک گریباں کو سمجھ

کیا ضروری ہے کہ ہر زخم دکھایا جائے

مجھ کو اس عہد محبت سے شکایت یہ ہے

اس میں جو لفظ ہمیشہ ہے ہٹایا جائے

اب کنویں بھی کہاں موجود ہیں ان شہروں میں

کس طرح سنت علوی کو نبھایا جائے

ao har yar guzishta ko bulaya jae

dil ki halat ka tamasha sa banaya jae

shakh se ho ke juda gul pe tire kya guzri

baghban ko ye kisi roz bataya jae

surat-e-zard ko parh chak-e-gareban ko samajh

kya zaruri hai ke har zakhm dikhaya jae

mujh ko is ahd-e-mohabbat se shikayat ye hai

is mein jo lafz hamesha hai hataya jae

ab kuen bhi kahan maujud hain in shahron mein

kis tarah sant-e-alwi ko nibhaya jae