مجھے سوال کی شرمندگی سے الجھن تھی

مجھے سوال کی شرمندگی سے الجھن تھی

وہ میرے پوچھے بنا ہر جواب رکھتا تھا

ہمارے ہجر کے موسم گزارنے کے لیے

سرہانے اپنے مری اک کتاب رکھتا تھا

وہ بھول جاتا تھا خود پر ستم جو ہو جائیں

مگر جو مجھ پہ ہوں سارے حساب رکھتا تھا

مری تھکی ہوئی آنکھوں میں پیاس رہتی تھی

وہ خواب خواب سی آنکھوں میں آب رکھتا تھا

اسے پتہ تھا مجھے لفظ چھوڑ جاتے ہیں

سو میری روح سے اکثر خطاب رکھتا تھا

یہ مرد و زن کے تفرقوں سے اس کو نفرت تھی

وہ ہر سفر میں مجھے ہم رکاب رکھتا تھا

mujhe sawal ki sharmindagi se uljhan thi

wo mere puchhe bana har jawab rakhta tha

hamare hijr ke mausam guzarne ke liye

sirhane apne miri ik kitab rakhta tha

wo bhul jata tha khud par sitam jo ho jaen

magar jo mujh pe hun sare hisab rakhta tha

miri thaki hui ankhon mein pyas rahti thi

wo khwab khwab si ankhon mein ab rakhta tha

use pata tha mujhe lafz chhor jate hain

so meri ruh se aksar khitab rakhta tha

ye mard-o-zan ke tafriqon se us ko nafrat thi

wo har safar mein mujhe ham rikab rakhta tha