Arooz is now on the App Store, for iPhone and iPad. Download →

All poetry

کبھی مقدر جو یہ عنایت کرے تو کیا ہو

Rafia Zainab (b. 1995)

کبھی مقدر جو یہ عنایت کرے تو کیا ہو

بچھڑ کے مجھ سے وہ میری چاہت کرے تو کیا ہو

وہ جس کی صحبت مجھے سہولت سے مل گئی ہے

وہ شخص مجھ سے اگر محبت کرے تو کیا ہو

تمام شکوؤں کو میرے ہنس کر مٹا رہا ہے

کبھی وہ مجھ سے کوئی شکایت کرے تو کیا ہو

جو ہنس کے راضی رہے خدا کی ہر اک رضا میں

پھر ایسا بندہ کبھی بغاوت کرے تو کیا ہو

خدا کے حامی جو مجھ سے بگڑے ہیں سوچ رکھیں

وہ روز محشر مری حمایت کرے تو کیا ہو