ہم کو اتنا ہی بس غنیمت ہے

ہم کو اتنا ہی بس غنیمت ہے

نا سہی عشق پر عنایت ہے

دل کو انکار ہے محبت سے

اور اس کا سبب محبت ہے

ہم بھلے جان ہار بیٹھے ہوں

اس کو اک دوست کی ضرورت ہے

کچھ نہیں ہے گلہ ہمیں اس سے

زندگی سے بہت شکایت ہے

اپنی خاطر ذرا نہیں فرصت

اس کی خاطر بڑی فراغت ہے

اس غزل میں فقط ہے ہجر و وصال

اس میں کچھ بھی نہیں بلاغت ہے

ham ko itna hi bas ghanimat hai

na sahi ishq par inayat hai

dil ko inkar hai mohabbat se

aur us ka sabab mohabbat hai

ham bhale jan har baithe hun

us ko ik dost ki zarurat hai

kuchh nahin hai gila hamen us se

zindagi se bahut shikayat hai

apni khatir zara nahin fursat

us ki khatir bari faraghat hai

is ghazal mein faqat hai hijr-o-wisal

is mein kuchh bhi nahin balaghat hai