یوں جونؔ پڑھ کر لہو اگلنے کی مجھ سے شرطیں نہ باندھ لینا

یوں جونؔ پڑھ کر لہو اگلنے کی مجھ سے شرطیں نہ باندھ لینا

غرض کے بے جا گمان پر تم یقیں کی گرہیں نہ باندھ لینا

طویل رستہ سفر ہے مشکل اثاثہ کم ہی رکھو تو بہتر

سو ایسا کرنا کہ اپنے دامن میں میری نظمیں نہ باندھ لینا

ابل رہا ہے جو ایک چشمہ وہ بحر اعظم بنے گا اک دن

کسی کنارے کہ چاہ میں تم بس اپنی موجیں نہ باندھ لینا

جہاں کی خاطر اے جان جاناں جو سنگ دل تم بنے پھرے ہو

ملے محبت تو پیٹھ پیچھے خود اپنی باہیں نہ باندھ لینا

yun jon parh kar lahu ugalne ki mujh se sharten na bandh lena

gharaz ke be ja guman par tum yaqin ki girhen na bandh lena

tawil rasta safar hai mushkil asasa kam hi rakho to behtar

so aisa karna ke apne daman mein meri nazmen na bandh lena

ubal raha hai jo ek chashma wo bahr-e-aazam banega ik din

kisi kinare ke chah mein tum bas apni maujen na bandh lena

jahan ki khatir ai jan-e-janan jo sang dil tum bane phire ho

mile mohabbat to pith pichhe khud apni bahen na bandh lena