کیا سناؤں دل مضطر کا فسانہ تم کو

کیا سناؤں دل مضطر کا فسانہ تم کو

میں نے چاہا تھا کبھی ایک زمانہ تم کو

یہ جو تم عید پہ بھی آتے نہیں لوٹ کے گھر

کوئی چھٹی کا نہیں ہوتا بہانہ تم کو

بستر مرگ پہ ماں تھی تو نہ تھے سامنے تم

بہت ہی مہنگا پڑا ہے چلے جانا تم کو

گاؤں کے کچے مکانوں میں یہ پکے رشتے

راس آئے گا نہیں شہر کا کھانا تم کو

ہر مہینے یہ نئے نوٹ یہ خط کیا مطلب

نہ مناؤ نہیں آتا ہے منانا تم کو

ایک کمرہ ہے کرائے کا یہ بازاری غذا

شہر میں کیسے ملے شاہی ٹھکانہ تم کو

آخری خط کو پڑھو اس میں ملے گا ماہمؔ

بھول جانے کا اسے کوئی بہانہ تم کو

kya sunaun dil-e-muztar ka fasana tum ko

main ne chaha tha kabhi ek zamana tum ko

ye jo tum eid pe bhi ate nahin laut ke ghar

koi chhutti ka nahin hota bahana tum ko

bistar-e-marg pe man thi to na the samne tum

bahut hi mahnga para hai chale jana tum ko

gaon ke kachche makanon mein ye pake rishte

ras aega nahin shahr ka khana tum ko

har mahine ye nae not ye khat kya matlab

na manao nahin ata hai manana tum ko

ek kamra hai karae ka ye bazari ghiza

shahr mein kaise mile shahi thikana tum ko

akhiri khat ko parho is mein milega maham

bhul jane ka use koi bahana tum ko