گلوں کے دام محبت میں آ رہا ہوں میں

گلوں کے دام محبت میں آ رہا ہوں میں

فریب حسن مجازی کا کھا رہا ہوں میں

کسی کے حسن کی تصویر کھینچ کر دل میں

تصورات کی محفل سجا رہا ہوں میں

مجھے طلب ہی نہیں ہے کسی مسرت کی

خوشی سمجھ کے ترا غم اٹھا رہا ہوں میں

گلوں کی بزم سے مجھ کو نہ تھی کوئی رغبت

تمہارا نقش قدم ڈھونڈھتا رہا ہوں میں

سفینہ غم کا لئے جائے گا کہاں یا رب

محیط زیست میں بہتا ہی جا رہا ہوں میں

بقا کی فکر نہ اندیشۂ فنا ہمدمؔ

خدا کے جلوے میں خود کو سما رہا ہوں میں

gulon ke dam-e-mohabbat mein a raha hun main

fareb-e-husn majazi ka kha raha hun main

kisi ke husn ki taswir khinch kar dil mein

tasawwurat ki mahfil saja raha hun main

mujhe talab hi nahin hai kisi masarrat ki

khushi samajh ke tira gham utha raha hun main

gulon ki bazm se mujh ko na thi koi raghbat

tumhara naqsh-e-qadam dhundhta raha hun main

safina gham ka liye jaega kahan ya rab

muhit-e-zist mein bahta hi ja raha hun main

baqa ki fikr na andesha-e-fana hamdam

khuda ke jalwe mein khud ko sama raha hun main