تمنا ہے تمنا میں تری جی سے گزر جائیں

تمنا ہے تمنا میں تری جی سے گزر جائیں

یہی ہے آرزو اپنی اسی خواہش میں مر جائیں

گناہوں میں سما جائیں کلیجے میں اتر جائیں

مری دنیائے ہستی میں ترے جلوے بکھر جائیں

نہ دنیا میں ٹھکانہ ہے نہ عقبیٰ میں ٹھکانہ ہے

ترے بندے اگر جانا بھی چاہیں تو کدھر جائیں

ترے رندوں میں اے ساقی بھلا اتنی کہاں طاقت

بچا کر اپنا دامن میکدے سے وہ گزر جائیں

لٹا کر دین و دنیا انجمن میں تیری آئے تھے

یہاں سے اٹھ کر اب ہم ٹھوکریں کھانے کہاں جائیں

ہمارے دور ماضی کی نہ ہم سے پوچھ اے ہمدمؔ

وہی اچھے ہیں لمحے زندگی کے جو گزر جائیں

tamanna hai tamanna mein tiri ji se guzar jaen

yahi hai arzu apni isi khwahish mein mar jaen

gunahon mein sama jaen kaleje mein utar jaen

miri duniya-e-hasti mein tire jalwe bikhar jaen

na duniya mein thikana hai na uqba mein thikana hai

tire bande agar jana bhi chahen to kidhar jaen

tire rindon mein ai saqi bhala itni kahan taqat

bacha kar apna daman maikade se wo guzar jaen

luta kar din-o-duniya anjuman mein teri ae the

yahan se uth kar ab ham thokaren khane kahan jaen

hamare dur mazi ki na ham se puchh ai hamdam

wahi achchhe hain lamhe zindagi ke jo guzar jaen