روشنی ہو نہ سکی شام کے ہنگام کے ساتھ

روشنی ہو نہ سکی شام کے ہنگام کے ساتھ

اور ہم دیپ جلاتے رہے ہر شام کے ساتھ

دور بڑھتا ہی گیا حسرت ناکام کے ساتھ

دل میں اک ٹیس اٹھی آپ کے ہنگام کے ساتھ

آپ نے پرسش غم کا بھی تکلف نہ کیا

دل میں ہم جلتے رہے حسرت ناکام کے ساتھ

جانے کیوں آج مرے عشق کی تشہیر ہوئی

ہر زباں پر ہے مرا نام تیرے نام کے ساتھ

دور مے ختم ہوا شمع کا دل بیٹھ گیا

رونق بزم گئی ساقیٔ گلفام کے ساتھ

وقت کی بات ہے کیا وقت گزر جائے گا

اور کچھ دیر چلو گردش ایام کے ساتھ

منزل عشق میں کیا کام تھا ان کا ہمدمؔ

تھک کے جو بیٹھ گئے راہ میں آرام کے ساتھ

raushni ho na saki sham ke hangam ke sath

aur ham dip jalate rahe har sham ke sath

dur barhta hi gaya hasrat-e-nakam ke sath

dil mein ik tis uthi ap ke hangam ke sath

ap ne pursish-e-gham ka bhi takalluf na kiya

dil mein ham jalte rahe hasrat-e-nakam ke sath

jane kyun aj mire ishq ki tashhir hui

har zaban par hai mira nam tere nam ke sath

daur-e-mai khatm hua shama ka dil baith gaya

raunaq-e-bazm gai saqi-e-gulfam ke sath

waqt ki bat hai kya waqt guzar jaega

aur kuchh der chalo gardish-e-ayyam ke sath

manzil-e-ishq mein kya kam tha un ka hamdam

thak ke jo baith gae rah mein aram ke sath