ہم بھی سنتے جو ترے حسن کے چرچے ہوتے

ہم بھی سنتے جو ترے حسن کے چرچے ہوتے

کاش اس وقت تری بزم میں بیٹھے ہوتے

دل کے وہ داغ جو سینے میں چھپا رکھے ہیں

اے مسیحا وہ کبھی تو نے بھی دیکھے ہوتے

ہم سمجھ ہی نہ سکے تیری نظر کا مفہوم

ورنہ یوں بت سے بنے راہ میں بیٹھے ہوتے

غم دوراں کی کڑی دھوپ یہ تپتا صحرا

کاش دو گام تری زلف کے سائے ہوتے

ہم جلا لیتے اگر تیری محبت کے چراغ

ان اندھیروں کی جگہ دل میں اجالے ہوتے

دل میں ہوتا نہ کبھی ذوق تجسس کا ہجوم

تجھ سے دنیا میں اگر اور بھی چہرے ہوتے

ham bhi sunte jo tire husn ke charche hote

kash is waqt tiri bazm mein baithe hote

dil ke wo dagh jo sine mein chhupa rakhe hain

ai masiha wo kabhi tu ne bhi dekhe hote

ham samajh hi na sake teri nazar ka mafhum

warna yun but se bane rah mein baithe hote

gham-e-dauran ki kari dhup ye tapta sahra

kash do gam tiri zulf ke sae hote

ham jala lete agar teri mohabbat ke charagh

in andheron ki jagah dil mein ujale hote

dil mein hota na kabhi zauq-e-tajassus ka hujum

tujh se duniya mein agar aur bhi chehre hote