کسی سے کہیں جی لگانے سے پہلے

کسی سے کہیں جی لگانے سے پہلے

ذرا پوچھ لیتے زمانے سے پہلے

قیامت کی بابت بتاتے نہیں ہو

نہ آنے سے پہلے نہ جانے سے پہلے

یہ دل ہیں یہ آنکھیں بہت مضطرب ہیں

ٹھکانے لگا جاؤ جانے سے پہلے

بھلائی بھی تھوڑی سی جھولی میں ہوتی

گناہوں کی جنت کمانے سے پہلے

تغیر ہر اک زندگی کا مقدر

میں رویا بہت مسکرانے سے پہلے

کسی نے بھی حاصل کی بابت نہ سوچا

زمینوں پہ لاشیں گرانے سے پہلے

بہت چین سے زندگی کٹ رہی تھی

فریب محبت میں آنے سے پہلے

یہاں زندگی لہلہاتی تھی ہر سو

یہاں کھیت تھے کارخانے سے پہلے

kisi se kahin ji lagane se pahle

zara puchh lete zamane se pahle

qayamat ki babat batate nahin ho

na ane se pahle na jane se pahle

ye dil hain ye ankhen bahut muztarib hain

thikane laga jao jane se pahle

bhalai bhi thori si jholi mein hoti

gunahon ki jannat kamane se pahle

taghayyur har ik zindagi ka muqaddar

main roya bahut muskurane se pahle

kisi ne bhi hasil ki babat na socha

zaminon pe lashen girane se pahle

bahut chain se zindagi kat rahi thi

fareb-e-mohabbat mein ane se pahle

yahan zindagi lahlahati thi har su

yahan khet the karkhane se pahle