Arooz is now on the App Store, for iPhone and iPad. Download →

All poetry

ہے دل توڑنا تیری فطرت سنا میں

Parvez akhtar (b. 1966)

ہے دل توڑنا تیری فطرت سنا میں

اور اس کی کوئی حد نہ مدت سنا میں

ولے ابتدا جان کر پیش اپنی

محبت کی ہے یہ شریعت سنا میں

تلاشی میں سارا جہاں گھومتا ہوں

کہ جب سے جمال محبت سنا میں

جو دیکھا تو جانا قیامت ہے کیا شے

جہاں سے بہت تیری بابت سنا میں

یہ رنگت یہ خوشبو یہ بادل یہ جھرنے

یہ سب ہیں گے تیری علامت سنا میں

اجل سے کبھو سیکھ پابندیٔ وقت

نہیں دیتی اک پل یہ مہلت سنا میں

بہت خوار پھرتی ہے در در فراست

بہت عیش میں ہے جہالت سنا میں

بڑی کشمکش میں ہوں میرے عزیزو

محبت کی بہنا ہے نفرت سنا میں

نہ کچھ فرق آیا جہاں کے چلن میں

بہت سوں سنا تیری وحشت سنا میں

کبھو آ کے پرویزؔ یاں بھی سنا جا

ہے شعروں میں تیرے متانت سنا میں