موسموں کی سختیاں

موسموں کی سختیاں

الحفیظ و الاماں

بے وفا ہے یہ جہاں

آگے تم جانو میاں

شہر میں دو چار تھے

کیا ہوئے آشفتگاں

اب کوئی مثبت عمل

کب تلک آہ و فغاں

ایک صحرائے بسیط

تیرے میرے درمیاں

رحم سے عاری زمیں

اور ناراض آسماں

کیوں اٹھائیں ذلتیں

کس کو رہنا ہے یہاں

اڑ رہی ہیں چار سو

زندگی کی دھجیاں

معرکہ ہے شعر گوئی

سہل مت جانو میاں

پھر وہی کاغذ قلم

پھر وہی کار زیاں

mausamon ki sakhtiyan

alhafiz-o-alaman

be wafa hai ye jahan

age tum jano miyan

shahr mein do char the

kya hue ashuftagan

ab koi musbat amal

kab talak ah-o-fughan

ek sahra-e-basit

tere mere darmiyan

rahm se ari zamin

aur naraz asman

kyun uthaen zillaten

kis ko rahna hai yahan

ur rahi hain char su

zindagi ki dhajjiyan

marka hai sher goi

sahl mat jano miyan

phir wahi kaghaz qalam

phir wahi kar-e-ziyan